كۆمپانیای "دل تکنولوجی" بۆ پەیوەندییەكان، كۆمپانیایەكی پێشەنگی بواری پەیوەندییە ئەلیكترۆنییەكانە. كار دەكات بۆ بەستنەوەی وڵات بە كیشوەرەكانی جیهان، لە میانەی بەستنەوەی بە تۆڕی ئینتەرنێتی جیهانییەوە، دەكات. هەر لە دەستپێكی دروستبوونییەوە لە ساڵی 2009، كۆمپانیاكەمان لە پێشكەوتنی بەردەوامدا بووە، تا ئەو ئاستەی ئێستا پێی گەیشتووە و بووەتە پێشەنگی بوارەكەی خۆی و ناوێكی ئاشنا و ناسراوی بواری ئینتەرنێت لە جیهاندا.
كۆمپانیای "دل تکنولوجی" تاكە كۆمپانیای بوارەكەیە كە لە میانەی بەكارهێنانی ئەم ناوە بارزگانییەوە، بەهۆی خاوەنی ژێرخانێكی تۆكمە و پێشكەوتوو و سەردەمیانەوە، لە تەواوی عێراقدا كە توانای دەستەبەركردنی خزمەتگوزارییەكانی ئینتەرنێت بە شێوازێكی جێگیر، تۆكمە و بێپچڕان پێشكەش بكات.
ژێرخانی تۆڕی كێبڵی تیشكی كۆمپانیاكەمان كە پانتاییەكی زۆری زیاتر لە 5000 كیلۆمەتری لە زەوی وشكانی ژێردەریایی لەخۆی دەگرێت، تەواوی عێراق بە هاب و وێستگە سەرەكییەكانی ئینتەرنێت لە ئەوروپا و ڕۆژهەڵاتی ناوەڕاستدا، دەبەستێتەوە. پێشكەوتوویی و تۆكمەیی ژێرخانەكەمان وا دەكەن كە خزمەتگوزارییەكان بەشێوازێكی بێهاوتا، بە بەرزترین ئاست و خێرایی، كەمترین دواكەوتن دەستەبەر بكەین. لە ئێستاشدا و لە تەواوی عێراقدا ملیۆنان كەس لە بوارە جیاوازەكانی بازاڕی كار و كۆمپانیاكان، دامەزراوە دارایی و پەروەردەییەكان، وەكو بەكارهێنەر و سوودمەندی كۆتایی لە خزمەتگوزارییەكانی ئێمە بەهرەمەند و سوودمەند بوون.
بەهۆی پەیوەستبوونمان بە دەستەبەركردنی بەرزترین ئاستی كواڵێتی و بەهێزترین خزمەتگوزارییەوە، كۆمپانیای "دل تکنولوجی" بەفەرمی لەلایەن وەزارەتی گواستنەوە و گەیاندنی حكوومەتی هەرێمی كوردستان، وەزارەتی گواستنەوەی عێراق و كۆمپانیای گشتی گواستنەوە و گەیاندنی عێراق (ITPC)ـەوە مۆڵەتی پێدراوە كە خزمەتگوزارییەكان پێشكەش بكات.
هەروەها بەهۆی ئاستبەرزی خزمەتگوزارییەكانی، تۆكمەیی ژێرخانەكەیی و ناسراوێتی و براندەكەیەوە، كۆمپانیای "دل تکنولوجی" وەك تاكە كۆمپانیا لە هەرێمی كوردستان و سێیەمین كۆمپانیا لە تەواوی عێراقدا توانیویەتی ئەندامێتی لە ڕێكخراوی نێودەوڵەتی پەیوەندییەكان (International Telecommunication Union ITU) وەرگرتووە. ئەمەش وێڕای بەرجەستەكردنی زیاتری پێشكەوتووی كۆمپانیاكەمان، ددانپێدانانێكی نێودەوڵەتییە بە بەرزێتی ئاستی خزمەتگوزارییەكانمان و بێهاوتایی ناو و براندی كۆمپانیاكەمان. هاوكات، كۆمپانیاكەمان بە بەرجەستەكردنی زیاتر كواڵێتی كاركردن، ڕەچاوكردنی ستانداردە نێودەوڵەتییەكانی سەلامەتی و شوێنی كارەوە توانیویەتی لە ڕێكخراوی (ISO)ـی نێودەووڵەتی سێ بڕوانامە (ISO 9001:2015، ISO 45001:2018، ISO 14001:2015) وەربگرێت. هەموو ئەمانەش بەڵگەی سەلمێنەرن بۆ پێشكەوتوویی، تۆكمەیی، پارێزراوی، بەردەوامی و جێگیریی، لەگەڵ ڕەزامەندی هاوبەش و كڕیارانمان.
بەهۆی پێگە جوگرافییەكەیەوە كە دەكەوێتە خاڵی پێكگەیشتنی ڕۆژئاوا و ڕۆژهەڵاتەوە، عێراق دەروازەیەكی زۆر گرنگی ترانزێتی ئینتەرنێتی جیهانییە. لەم پێناوەشدا دیسان كۆمپانیای "دل تکنولوجی" پێشەنگی بوارەكەیە كە بەسوودوەرگرتن لەم تایبەتمەندییە جوگرافییە و لە میانەی وەبەرهێنانی ستراتیژیی و هاوبەشێتی دوورمەوداوە هەوڵی بە سەنتەركردنی عێراق لە بواری ئینتەرنێتی جیهانیدا دەدات، بەوەی كە ببێتە ناوەندێكی بەهێز و متمانەپێكراوی هاتوچۆ و ترانزێتی ئینتەرنێتی جیهانی. ئەم دەرفەتەش وێڕای بەخشینی پێودانگێكی جیهانی، بەشدار دەبێت لە بوژاندنەوەی ئابووری و دۆزینەوەی دەرفەتی چنگخستنی داهات لە دەرەوەی پشتبەستن بە سێكتەری نەوت و وزە.
دەستەبەركردنی داهێنانەترین، پارێزراوترین و تۆكمەترین خزمەتگوزارییەكانی ئینتەرنێت، لە پێناو بەهێزكردن و پێشخستنی بازاڕی كار و كۆمەڵگا، لە میانەی مسۆگەركردنی بەشداری و پەیوەندی دیجیتاڵی كارا و پاڵپشتیكردنیی گەشەسەندن و داهێنانی بەردەوامەوە.
كاركردن بۆ بەدیهێنانی كۆمەڵگایەكی پێكەوەبەستراوی دیجیتاڵی، كە دەرفەتی یەكسان بۆ هەمووان مسۆگەر بكات و، پاڵپشتی گەشەسەندن و داهێنان بكات و، ڕۆڵمان لە ئابووری دیجیتاڵی هەرێمایەتی و نێودەوڵەتیدا كاریگەرتر و بەهێزتر بكات.
تیمێكی شارەزا و لێزان، بەدرێژایی ڕۆژ و هەموو دەمێك هەر هاوكاری و پاڵپشتییەك كە پێویست بێت، پێشكەشی كڕیاران و هاوبەشانمان دەكەن. لە كاتی هەبوونی هەر كێشە و گرفتێكیشدا بەشێوەیەكی لێزانانە و خێرا، بەبێ هیچ دواكەوتن و پچڕانێك چارەسەری دەكەن.
لە میانەی بەكارهێنانی ئامرازی تایبەت بۆ چاودێریكردن و كۆنتڕۆڵكردنی تەواوەتی بەردەوامی خزمەتگوزارییەكانمان، ئێمە ئەوپەڕی دڵنیایی دەستەبەر دەكەین لەوەی كە خزمەتگوزارییەكان بەردەوام و پارێزراون و هەموو داتا و ئامارێكی پەیوەندداریش بۆ هاوبەش و كڕیارانمان دەستەبەر دەكەین.
ئێمە لە كۆمپانیای "دل تكنولوجی" باشترین، بەهێزترین و كاراترین ئامرازەكانی پارێزگاریی سەردەمیانە بەكار دەهێنین. لەم میایەنەیەشەوە پرۆتۆكۆلێكی تۆكمە و هەرەبەهێزی ئەلیكترۆنی بۆ ژێرخانی ئەلیكترۆنی خۆمان و خزمەتگوزارییەكانمان بۆ هاوبەش و كڕیارانمان، دەستەبەر دەكەین.
ژێرخانی ئەلیكترۆنی كۆمپانیاكەمان، بەشێوەیەكی ئەوتۆ داڕێژراوە و پارێزراوە كە خێراترین و پارێزراوترین خزمەتگوزاری، بە كەمترین دواكەوتن، پێشكەش بە هاوبەش و كڕیارانمان مسۆگەر دەكات.
© ٢٠٢٥ دل تکنولوجی. پەرەی پێدراوە لەلایەن سەنکۆد.